irismasdottir

Salvör

2003-11-19T14:36:00.000Z

slóðin mín er þessi.
nemendur.khi.is/irismasd/skolastarf.

2003-11-19T12:32:00.000Z

Jæja nú fer að síga á seinni hlutann á þessar annars ágætu önn hér í kennó. Þessa dagana er setið við langt fram á nætur og unnið í verkefnum sem komin eru á síðasta skiladag. Svo er að koma að því skemmtilegasta það eru prófin og undirbúningur jólanna. Voða spennandi. Maðu uppsker vonandi bara eins og maður sáir.

Víkurskóli

2003-11-12T11:49:00.000Z

Heimsóknin í Víkurskóla í síðust viku var virkilega skemmtileg. þetta er frábær skóli með góða stefnu. Ekki verður annað sagt en hann sé vel búin hvað tölvur og upplýsingatækni varðar. Það virðist ekki vanta metnað í stjórnendur og starfsfólk skólans í þeim efnum.
Bara skemmtileg og fræðandi heimsókn. Og virkilega góðar móttökur.

Bíltúr til Keflavíkur

2003-11-05T12:07:00.000Z

Eftir skólaheimsóknina í dag ætla ég í bíltúr til Keflavíkur. Dóttir mín er að koma heim frá Svíðþjóð þar sem hún hefur verið s.l 10 daga. Auðvitað fer mamma gamla og sækir hana enda er hún með fulla tösku að allskonar góssi. Fötum, nammi og svo auðvitað tolurinn. Það er svona hugmynd að koma við í Bláalóninu og hafa það huggulegt fram eftir degi. En það kemur í ljós hvort tími vinnst til þess.

Miðvikudagurinn 5. nóv.

2003-11-05T12:03:00.000Z

Ég er svo ljón heppin í dag!! Það var hringt í mig frá öflugu fyrirtæki hér í borginni í morgun og mér boðin vinna um jólin. Ég sagði nátturulega já á stundinni. Þó ég hafi varla efni á því að vinna. En þar sem vinnan göfgar manninn læt ég slag standa. Enda er þetta frábær vinnustaður með mikið af góðu og skemmtilegu fólki.

Skólaheimsókn

2003-11-05T11:59:00.000Z

Í dag er ferðinni heitið í Víkurskóla, til þess að taka stöðuna á upplýsingatækni þess góða skóla. Það er ekki annað sagt en að mikil eftirvænting ríki fyrir þessari heimsókn í hópnum mínum. Við erum vel græjuð og til í slaginn. Meira um það síðar.

Tónverk

2003-10-29T12:36:00.000Z

Í síðustu viku bauð 10 ára gömul frænka mín mér að koma í skólann sinn og hlusta á tónverk sem bekkurinn hafði samið. Ég verð að segja að þetta var alveg frábært hjá þeim. Þau höfðu m.a. verið að vinna með jökla og eldgos. Út frá því var tónverkið samið. Þetta er alveg frábær hugmynd hjá kennaranum ánægjan skein úr andliti hvers nemanda og ég er sannfræð um að það sem þau lærðu af þessu gleymist seint. Það væri gaman að sjá meira notaðar svona óhefðbunddnar kennsluaðferðir í íslenskum skólum.

Þriðjudagur 21 október.

2003-10-21T08:59:00.000Z

Ég var svo mikill sauður í morgun að ég áttaði mig ekki á því að það var ekki fyrirlestur í íslensku, því mætti ég í skólann kl. 8:30 en tíminn byrjar ekki fyrr en kl 10:30. Ég verð að viðurkenna að ég var bara fúl. Hefði getað sofið miklu lengur. En að er hollt og gott að vakna semma sagði ég við sjálfa mig. En þessi íslensku tími verður örugglega nokkuð skondinn því við eigum að endursegja þjóðsögu og verður við tekinn upp á myndband. Þá er nú jafn gott að standa sig.

Skemmtileg guðþjónusta

2003-10-21T08:55:00.000Z

Það kom sjálfri mér á óvart s.l. sunnudag þegar ég fór í messu að það var bara ekki svo leiðinlegt eins og ég hafði verið búin að ákveða. Ástæðan fyrir því að ég fór til kirkju kl. 11:00 á sunnudagsmorgni var sú að það var verið að skírð litlu frænku mína. Ég verð nú að viðurkenna að það kemur afar sjaldan fyrir að ég vakni svo snemma á sunnudegi til þess að fara í kirkju. En auðvitað fer maður í skýrn hjá sinni fjölskyldu. En messan var bara skemmtileg presturinn flutti virkilega góða ræður þar sem hann hvatti fólk til þess að vera á verði gagnvart græðginni sem er allt í kring um okkur. Hann hvatti fólk til þess að staldra við og hugleiða hvað það ætti í raun og veru. Þetta vakti mann svo sannarlega til umhugsunar. Þarna söng líka barnakór sem var að koma fram í fyrsta skipi. Þau sungu mjög vel og voru til mikillar fyrirmyndar. Auðvitað var há punkturinn í messunni þegar litla frænka mín var skírð, fékk hún nafnið Guðlaug Li og hélt amma hennar og nafna á henni undir skírn.
'Eg velti því svo sannarlega fyrir mér að fara oftar til kirkju það er gott fyrir andann og sálina.

Miðvikudagur

2003-10-15T14:34:00.000Z

Jæja þá er þessi tími í upplýsingatækni senn á enda. Þá er bara að drífast að stað í líkamræktina og fá útrás eftir setu dagsins. Ég er farin að bíða eftir því að komast úr skólanum og reyna á mig líkamlega. Svo þegar líða tekur á kvöld þá ætlum við nokkrar vinkonur að hittast á kaffihúsi og hafa það huggulegt.

miðvikudagur 8. október

2003-10-08T12:14:00.000Z

Jæja, jæja þá er nú fyrirlesturinn um hann Rasmus K. Rask búinn, þá er bara eitt verkefnið frá. Það er ekki eftir það sem búið er. Þá er bara að hefjast handa við þau næstu sem hafa verið sett á hold. Það er það góða við að vera í kennó að manni þarf aldrei að láta sér leiðast, alltaf nóg að gera sem betur fer. Maður er sem sagt aldrei verkefna skortur hér í kennó.
Jæja ekki meira að segja um það í bili.

miðvikudagur 1.október

2003-10-01T12:22:00.000Z

Jæja í dag er barnfóstur hlutverkinu mínu lokið, sem sagt kemur systir mín heim frá Kína í dag. Það er bara nokkuð gott þá get ég bara haldið áfram að dingla mér og hafa það huggulegt. Svo sýnist mér að maður þurfi kannski að fara að setja í fimmta gír hvað varðar námið. Herða sig við lesturinn og fara að vinna verkefnin sem liggja fyrir.

Hjólatúr

2003-09-28T18:50:00.000Z

Um helgina fór ég í alveg frábæran hjólatúr með frænku minni og frænda. Þetta eru hreint frábær börn, lífsglöð og hlíðin. Við hjóluðum hring um Rauðavatn í góður veðri og fórum svo í sund á eftir. Þetta var gott afrek hjá okkur eða það fannst okkur allavegna. Vorum alveg endurnærð eftir þessa góðu hreyfingu. Þegar við komum heim var amma gamla búin að baka handa okkur vöfflur. Það var gott því við vorum alveg svakalega svöng.

Tæknisaga

2003-09-24T14:12:00.000Z

Ég get nú ekki sagt að tæknisaga mín árið 2003 sé mjög mikil né merkileg. Ég er sem sagt ekkert sérlega mikið gefin fyrir tækni, er frekar lengi að tileinka mér allt sem nýtt er. En eftir að ég byrjaði í Kennó hefur áhugi minn á tölvutækni aukist töluvert.
Í sumar fór ég að vinna á skrifstofu hér í borginni þar vann ég með stúlku sem var afskaplega klár á tölvur og smitaði hún mig all nokkuð. Hún kom mér inn á msn og þykir mér það frábær samskiptamáti. Ég nota það mjög mikið í dag það eina sem er neikvætt við það að mínu mati er að það er tímaþjófur. Ég á auðvitað tölvu heima bæði borðtölvu og kjöltutölvu. Ég nota þó aðalega borðtölvuna af gömlum vana. Ég hef nú hugsað mér að nota kjöltutölvuna til þess að glósa í fyrirlestrum hér í skólanum en sökum þess hvað ég er lengi að tileinka mér nýja tækni er ég ekki komin svo langt. En það stendur vonandi til bóta. Því ég geri mér grein fyrir þægindunum og tímasparnaðinum sem því fylgir. Ég valdi nú þennan áfanga sem ég er í núna upplýsingatækni og skólastarf til þess að efla og auka áhuga minn á tækninni. Þetta er allt að koma vona ég.
Ég er auðvitað með GSM síma það er nú bara frábært tæki. En ég hefði ekki trúað því fyrir þremur árum að ég ætti eftir að vera svona háð símanum eins og ég er í dag. Fer ekki út úr húsi án þess að hafa hann með og ef hann gleymist þá er hann sko sóttur. Hann er orðin partur af sjálfri mér. En það var fyrir þremur árum að ég var að vinna hjá Ríkissjónvarpinu á Austurlandi þá fékk ég gsm síma því ég var um allan fjórðung að vinna fréttir. Ég var sko langt frá því að vera ánægð með þennan nýja lífsförunaut minn en það var partur af prógramminu. Svo ég varð að láta mig hafa það. Í upphafi stressaði þetta nýja tæki mig alveg hræðilega og ég var svo lengi að svara að hann var löngu hættur að hringja þegar ég loksins svaraði. Félagar mínir á stöðinni gerðu að sjálfsögðu mikið grín af mér og símanum. Sögðu all oft að við ættum nú ekkert sérlega mikla samleið. En auðvitað lærðist þetta á stuttum tíma og ég gæti ekki verið án hans í dag.
Það er að mínu vita nauðsynlegt að fylgjast vel með tækninýjungum það auðveldar manni svo marga hluti. Svo er auðvitað nauðsynlegt fyrir nútíma konu að tileinka sér all þá tækni sem völ er á. Það er einmitt markmiðið mitt með þessu námskeiði sem ég er á núna að verða svolítið tæknivæddari en ég er í dag.

Barnfóstran

2003-09-24T12:58:00.000Z

Þessa dagana er ég barnafóstra fyrir systur mína en hún er stödd í Kína. Ég er að gæta tveggja drengja 15 og 9 ára. Ég get ekki sagt annað að það bara brjálað að gera, þvo þvotta, gefa að borða, búa til nesti, láta læra og svo að keyra liðið í félagslífið. Blak, fótbolta, karate, sund svo fátt eitt sé nefnt. En þetta er bara gaman í stuttan tíma. Ég skil bara ekki alveg hvernig foreldrar sem vinna 100% vinnu geta sinnt þessu öllu. En það virðist bjargast hjá flest öllum. Jæja ég má nú ekki vera að þessu lengur skyldan kallar!!!!!!!!!

fimmtudagurinn 18 sept.

2003-09-18T10:15:00.000Z

Í dag liggja fyrir nokkur verkefni. En það sem ég ælta að leggja hvað mesta áherslu á er að finna heimildir um danska málfræðinginn Rasmus K. Rask og í framhaldi að því stendur til að skrifa eitthvað mjög gáfulegt um hann en það styttist í að ég haldi fyrirlestur um þennan öðling. Þetta er nú það helsta í dag svona fyrir utan að sinna þessu daglega amstri.

Hugmynda af glærusýningu

2003-09-17T14:50:00.000Z

Ég ætla að kynna sænska rithöfundinn Astrid Lindgren. En hún hefur skrifað fjöldan allan af barnabókum þar á meðal söguna sem allir þekka. Söguna um hana Línu Langsokk, sem um þessar mundir er sýnd í Borgarleikhúsinu.

VefrallÃ½ fyrir nemendur 7. bekkjar

2003-09-17T13:28:00.000Z

Velkomin á vefraýllið okkar um Hallormsstaskóla. Markmiðið með vefrallýinu er að nemendur 7. bekkjar kynni sér starfsemi fámennar skóla
Þú átt að fara inn á heimasíðu Hallormsstaðaskóla og svara spurningunum hér að neðan
Mundu að þetta er keppni á milli þín og hinna í tölvustofunni.

Gangi ykkur vel.
Spurningar:
1. Hvar er Hallormsstaðaskóli staðsettur á landinu?
2. Hvenæar var hann stofnaður?
3. Hvað stunda margir nemendur nám við skólann?
4. Hvað eru margir starfsmenn starfandi við skólann?
5. Hvað heita skólastjórarnir?
6. Hvaðan koma nemendurnir sem eru í Hallormsstaðaskóla?
7. Hvað er opinn skóli?
8. Hvað er Græn fáninn?
9. Hvað eru margir bekkir í skólanum?
10. Hvar á landinu nákvæmlega er skólinn staðsettur?
11. Hvert er heimilfang skólans?
11. Hvert er símanúmerið?
12. Hver er helsta stefna skólans í skólamálum?
13. Hallormsstaðaskóli er í samstarfsverkefni við ákveðinn skóla erlendis, hver er hann?
14. Hvað þýðir fámennur skóli?
15. Hvað eru margir fatlaðir nemendur sem stunda nám við skólann?
16. Hver er vefslóðin?
17.Fyrir hvað er Hallormsstaður helst þekktur fyrir.
18.Hefur þú komið til Hallormstaða?
19. Ef svo er hvaða erindi áttir þú?
20. Fannst þér staðurinn fallegur?

Mánudagurinn 15. september 2003

2003-09-15T21:45:00.000Z

Þessi dagur var svona hefðbundinn mánudagur, vaknað rétt fyrir kl. 8:00 og dreifst af stað í siðfræðifyrirlestur sem var mjög skemmtilegur og vakti mig til umhugsunar um marga hluti. Efti að hafa farið í sund sennipartinn bauð ég systurdóttur minni í kvöldmat. þar var framreiddur þessi fíni steikti fiskur. (Þó ég segir sjálf frá).

Leikir.

2003-09-10T14:22:00.000Z

Leikjavefurinn leikur 1.is er mjög skemmtilegur og býður upp á fullt að spennandi leikjum þar má nefna spennu- og hraða leiki. Allskonar ýmindunarleiki og leiki sem reina á rökhugsun og ýmindunaraflið. Slóðin er http://www.leikur1.is/
Hér til hliðar eru leikir og dæmi sem ætlaðir eru fyrir nemendur á miðstigi gunnskólans. Leikir hafa marga kosti sem kennsluaðferð og skapa fjöbreyttari kennslu. Þeir eru einnig líklegir til að vekja áhuga nemenda. Dæmi eru nauðsynleg í stærðfræðikennslu til að auka og þjálfa skilning nemanda. Í dæmunum hér til hliðar þarf að gefa rétt svar til að halda áfram. Góða skemmtun!!http://nemendur.khi.is/elfaarna/leikirogdaemi.htm

Góðir vefir fyrir kennara.

2003-09-10T14:02:00.000Z

Vefur námsgagnastofnunar er mjög góður fyrir kennara. Þegar ég var að kenna í Hallormsstaðaskóla notaði ég hann mjög mikið til þess að fá hugmyndir að verkefnum. Það er mín skoðu að oft á tíðum eru verkefnabækurnar ekkert sérlega áhuguvekjandi fyrir nemendur. Á þessum vef er heill hafsjór af skemmtilegum verkefnum sem halda nemendum við efnið. Reynið bara sjálf. Slóðin er þessi.http://www.namsgagnastofnun.is/gpw/ngs.nsf/pages/index.html

Samskiptakerfi

2003-09-10T13:23:00.000Z

Í sumar byrjaði ég að nota MSN samskiptakerfið. Ég verð að viðurkenna að mér finnst þetta alveg frábært. Það að geta haft samskipti við vini og kunningja allan daginn hvort sem þú er í vinnunni eða bara heima er bara kostur. Ég veit að vísu ekki hvort þetta samskiptatæki er eitthvað sem vinnuveitendur eru mjög ánægðir með því msm er pínu tímaþjófur og það er víst ætlast til að þú sért að vinna þegar þú ert í vinnunni.
Til þess að blogga sig inn á msm ferð þú inn áhttp://www.msn.com// síðan er þetta leikur einn.

Kynning

2003-09-10T13:03:00.000Z

Íris Másdóttir heiti ég. Ég er nemi á öðru ári við Kennarháskóla Íslands. Ég er fædd í Vestmannaeyjum og bjó ég þar til 8 ára aldurs eða þangað til elgosið kom og breytti tilveru fjölskyldu minnar. Þá var futt til Neskaupstaðar og bjó ég þar til ársins 1990. Þar var yndislegt að alast upp sem krakki og unglingur. Síðan lá leiðin til Egilsstaða en þar bjó ég í tíu ár eða þangað til ég tók þá ákvörðun að stunda nám við KHÍ. Þá hafði ég kennt við Hallormsstaðaskóla á Héraði í eitt ár og það var eiginlega þar sem ég ákvað að verða kennari þegar ég yrði stór.

Æfing í tengingu

2003-09-03T15:10:00.000Z

Hér er ég að prófa tengingu í annan vef. Það er Kennó
Hér er tenging í Morgunblaðið.